Sareko Argia webgunearen hasiera

Hiru obra saritu ditu Gure Artea egitasmoak

Iratxe Jaio eta Klass van Gorkumen, Asier Mendizabalen eta Xabier Salaberriaren artelanek irabazi dute Eusko Jaurlaritzak bi urtez behin antolatzen duen Gure Artea saria. 16.600 euro jasoko ditu bakoitzak. Orotara 114 obra aurkeztu dira aurten, eta horietako hamabirekin erakusketa osatu dute Bilboko Rekalde aretoan. Azaroaren 30a arte izango da ikusgai.

• Erantzun
• Lagun bati bidali

Ikusi albiste hau ondorengo hedabideetan:

Thierry Malandain izango da Maitaldiaren zuzendari artistiko berria

Irailaren 23an Filgi Claveriek Miarritzeko Maitaldia dantza jaialdiko zuzendari artistikoa izateari utzi zion, bere hitzetan horretara behartu zutelako. Eskaini zuen prentsaurrekoan arrazoi zehatzik ez zuen aipatu, baina Thierry Malandain Ballet Biarritzeko zuzendariarekin zituen desadostasunen ondorio izan zela eman zuen aditzera. Hain justu, Malandain izango da Maitaldiko zuzendari artistiko berria.

• Erantzun
• Lagun bati bidali

Ikusi albiste hau ondorengo hedabideetan:

Zer da Joanes Etxeberri egitasmoa?

Urko Apaolaza

Euskaltzaindiak egunotan Iruñean egiten diharduen Pirinioetako Hizkuntzak biltzarrean euskararen historia aztertzeko egitasmo garrantzitsu eta anbizio handiko baten berri eman dute. Joanes Etxeberri egitasmoaren aurkezpena Joseba Intxausti historialariak, Mikel Zalbide soziolinguistak eta Nickolas Gardner administratzaileak egin zuten atzo.

• Guztia irakurri
• Erantzun
• Lagun bati bidali

Aurreikusitako diru laguntzak emateko eskatu diote euskarazko hedabideek Nafarroako Gobernuari

Nafarroako Gobernuak 310.000 euroko diru laguntza eman behar zien aurten euskarazko hedabideei, baina diru hori "izozturik" dute. Krisia aitzakiatzat hartuta, 310.000 euro horiek ez banatzea erabaki du Gobernuak. Euskarazko hedabideen ordezkariak haserre agertu dira, kultura eta hezkuntzako gainerako esparruetan murrizketa askoz txikiagoa izan delako. Xabier Azanza Euskarabideko zuzendari kudeatzaileak urte amaieran esango die diru laguntzekin zer gertatuko den, baina euskarazko komunikabideetako langileek egoera beltz ikusten dute. Dirurik jasotzen ez badute, "ateak ixtea edo gorriak ikustea" beste irtenbiderik geratuko ez zaiela salatu dute.

• Erantzun
• Lagun bati bidali

Ikusi albiste hau ondorengo hedabideetan:

Juan Diego: "EITBren marka ezagun egiteko bildu ditugu eduki guztiak atari bakarrean"

Juan Diego, Eitbnet-eko zuzendaria eta EITBko estrategia taldeko zuzendaria

"Interneten informazio eta entretenimendurako erreferente izan nahi dugu, eta Euskadin nor garen eta zer egiten dugun mundura zabaldu nahi dugu. Internet medio gaztea da, eta gaztetasun horrek harridurara, topikoak apurtzera eta ausartak eta bihurriak izatera behartzen gaitu". (2008-10-10)

• Erantzun
• Lagun bati bidali

Ikusi albiste hau ondorengo hedabideetan:

Bunburyk Sarrionandia plagiatu duela dirudi

Gorka Bereziartua

Hautsak ederki harrotu ziren irailean espainiar kulturaren gezurmendietan, Enrique Bunburyk bere kanta batean Pedro Casariegoren hitzak erabili zituelako, egilea nor zen esan gabe. Zaragozako abeslariaren letren sokatik tiraka hasi dira hedabideak eta bigarren plagioa ere aurkitu dute. El País egunkariak atzoko edizioan Enrique Bunburyren inspirazio literario berria titulatu albistean azaldu zuenez, Joseba Sarrionandiaren Ene begiek poemaren antz handia du Bunburyren El hombre delgado que no flaqueará jamás kantak.

• Guztia irakurri
• Erantzun
• Lagun bati bidali

Hesian eta Kauta taldeen disko berriak

Hesian talde nafarrak Herriaren oihua diskoa plazaratu du Gor zigiluarekin. Lan berria copyleft lizentziapean kaleratu dute Sakanakoek. Hamabi kanta bildu dituzte bertan. Kauta taldeak, bestalde, hirugarren CDa aurkeztuko du aurki, Atxeh zigilu sortu berriarekin.

• Erantzun
• Lagun bati bidali

Ikusi albiste hau ondorengo hedabideetan:

Erdarak euskarari sartutako ziri batzuk normalkuntza arauetan (Iñaki Villoslada)

Iñaki Villoslada, euskara teknikaria

"Hizkuntzaren gaian ere ez al dizkiegu gure agintariei, arauz, minimo batzuk eskatu behar? Niri, partikularki, 2008-2012 plangintzako dekretuan jasotakoa gutxi iruditzen zait. Hori dela eta ondorengo proposamena egingo nioke Hizkuntza Sailburuordetzari: hurrengo ebaluazioan, langileen perfilen egiaztapenen datuak ez ezik, eman ditzala Jaurlaritzako sailburu, sailburuorde eta zuzendarien euskara mailaren datuak, hizkuntzen europar markoa erabiliz (perfilik ez baitzaie eskatzen, beren karguan jarduteko). Era horretan, jakingo dugu zein den sailetan euskara sustatzearen giltza dutenen hizkuntza-egoera eta planteatu ahal izango da zerbait horren guztiaren inguruan". (2008-10-10)

• Erantzun
• Lagun bati bidali

Ikusi albiste hau ondorengo hedabideetan:

Ferran Suay: "Espainiarrekin pedagogia egin beharrak egin digu kalte gehien"

Ferran Suay, psikologia doktorea

"Norbaitek zein hizkuntzatan egiten duen ez dakizun bitartean, euskaraz egin. Norbaitek gaztelaniaz egiten dizunean, horrek ez du esan nahi ez dakienik euskaraz, beraz, erantzun euskaraz. Orobat, hitz egin euskaraz, ez dizutela ulertu esaten dizuten arte. Hori bakarrik eginda, askoz ere gehiago entzungo da euskara". (2008-10-10)

• Erantzun
• Lagun bati bidali

Ikusi albiste hau ondorengo hedabideetan:

PSE-EEren "Euskara askatasunez" manifestua Euskara askatasunez 'déjà-vu' (Iñaki Irazabalbeitia)

Iñaki Irazabalbeitia, Aralarreko Hizkuntza Politikako arduraduna

"Berritasunik apenas ikusi dudan eta errezeta zaharretik asko, horietako batzuk mingarriak gainera; ETAren mamua astintzea edo euskarazko kulturak 'prestigio demokratikoa' berreskuratu behar duela esatea kasurako. Euskalgintzako agenteei sozialistak boterera iritsiz gero ez direla diru-laguntzak murriztuko agintzeaz landara, deus berri gutxi. Pena demait benetan! (...) PSE-EEren proposamenak ez ditu Aralarrek ezarriko lituzkeen minimoak betetzen eta nago euskaraz bizi den eta produzitzen duen sozietate honen zati horrek ezarriko lituzkeen minimoak ere ez dituela betetzen. Zaharra berri urriaren 2ko manifestuan". (2008-10-10)

• Erlazionatutako albisteak
• Erantzun
• Lagun bati bidali

Ikusi albiste hau ondorengo hedabideetan:

Euskarazko hainbat film estreinatuko ditu Barton Films-ek

Barton Films banatzaileak RH+ Sevillako banpiroa filma estreinatuko du datorren astean. Denboraldi berriko euskarazko lehen filma izango da, eta haren ostean hamaika pelikula gehiago estreinatuko ditu, aurten batzuk eta datorren urtean besteak. Olentzero eta oparien ordua; Perez 2, gure sagutxo hori; Winx, erreinu galduaren sekretua; Munduari bira 80 egunean doan eta Sukalde Kontuak filmak daude, besteak beste, katalogo berrian.

• Erantzun
• Lagun bati bidali

Ikusi albiste hau ondorengo hedabideetan:

Kultura

Nafarroako Gobernua-Vianako Printzea Erakundea-Kultura eta Turismo Departamentua

150/2008 FORU AGINDUA, irailaren 15ekoa, Vianako Printzea Erakundea-Kultura eta Turismo Departamentuko kontseilariak emana. Honen bidez 2005-2006 edo 2006-2007 ikasturteetan arte ikasketetan sakontzeko laguntzen deialdia eta haren oinarriak onesten dira, baimena ematen da laguntza horietarako 200.000 euroko gastua egiteko eta hori guztia Nafarroako ALDIZKARI OFIZIALean argitara dadila agintzen da.

• Erantzun

Ikusi albiste hau ondorengo hedabideetan: