Uste du abertzaleen arteko elkarlana eta “polo subiranistaren” ideia nahastu egin dituzula. Aralarrek sekula ez du esan orain ez denik abertzaleen arteko elkarlanerako, guztiz kontrakoa baizik, kontua da, agian, abertzaleen arteko elkarlana ere ulertzeko modu desberdinak egon daitezkeela. Polo subiranistaren kanpo gainera beste norbaitek kokatu zuen hasiera hasieratik.

Aralarrek behin eta berriz esan du abertzale guztien eta autodeterminazio eskubidearen alde indar guztien arteko elkarlana sustatu eta bultzatuko duela; zergatik? Gehiengoa bakarrik izanda erauziko zaiolako Estatuari erabakitzeko eskubidea eta herritarren atxikimendua soilik lortuta, beraz, printzipioz, ez zaio inori eskluitu behar. Baina elkarlanak ez du esan nahi eskaintza elektoral bat egitea, eta gauza batzuetan ados gauden bezala, beste batzuetan antagonikoak izan gaitezke, gizarte-ereduan esaterako.

Horretxegatik, abertzaletasunaren barruan ezker abertzale zibil, zabal eta indartsu bat eratzea da beste helburua; ezkerreko planteamendu potenteak egingo dituena eta EAJri edo PSE-EEri irabazteko gai izango dena. Hor, bai, egin liteke eta egin beharko litzateke eskaintza elektoral indartsu bat.

Eta hau lortzeko nik ere uste dut konfiantza eta harremanak lantzen joan behar dela, poliki poliki, malgu jokatuz, mugimenduak eginez, norberaren posizioak aldatuz eta iraganeko zauriak ahaztuz.

Aralarrek bere akatsak egin ditu, guztiok bezala, baina pozik egon liteke egin duen ekarpenagatik eta orain ikusten ari garena hein handi batean ideologikoki Aralarri ere zor zaio.

Aztertu liteke batak zein besteak, edo bateko zein besteko jendeak, harreman normalak izateko dituen jarrerak, baina ez zait hori interesgarriena iruditzen, horrek normalean trapu zaharrak eta egungo irainak elkar leporatzeko besterik ez duelako balio. Eta egitekotan egin dezatela haiek pribatuan. Burujabezaleen indar metaketa ona iruditzen zait, funtsezkoa gaur egun, eta hori hala izanik diodana da ez dela normala Batasuna eta Aralarren arteko harremanaz eskaintzen den irudia. Horrek indar metaketarekin zerikusi gutxi du eta zerbait eraikitzekotan, funtsezkoa da begirunea eta konfiantza lantzea. Hori borondate politikoa eta elkarren artean asko hitz eginda bakarrik lortzen da. Hortik abiatu behar da.

Ba bai guztiz zentzugabekoa, baina haietako zein ari da esaten behin eta berriz abertzaleon elkarlana eta baterajotzea ez dala beharrezkoa une hauetan?? Aralar beldur da. Beldur ilegalizazioen itzalean eraikitako Nafarroako bere txiringitoa galtzeko. Beldur da ilegalak izanda ezin izan dutelako Ezker Abertzalea desagertarazi eta egoera apur bat bada ere, normalizatuz gero, jakin badakitelako, Aralar jokoz kanpo geratuko dela.