Kostatu zaio, baina azkenik jaiotzear da Espainiako Ikus-entzunezkoen Lege Nagusi berria. Madrilgo Diputatuen Kongresuak ontzat eman du lege-aurreproiektua, eta hori berez ona dela esan beharko, ondo arautu gabe zegoen oihan ankerrean arauak ezartzea ona den heinean. Blog honetan, ordea, gehiago gustatzen zaigu alde ilunak nabarmentzea, jarraitzen gaituzuenok ondo dakizue. Ikus-entzuleen AUC elkarteak jakinarazi digu zeintzuk [...]
Meatze-inguruetan hazten diren landareak “sendagai” egokia izan daitezke kutsadurak jotako lurzoruentzat, EHUn aurkeztu berri den doktorego-tesi baten arabera. Metal toxikoz inguratuta bizitzea zer den ondo dakite landare horiek, eta propietate horrek bihurtzen ditu kutsadura-erauzle, Lur Epelde ikertzaile bizkaitarrak frogatu duenez. Ponte-izen aproposagorik ez zaigu bururatzen Markinan jaiotako biologo gaztearentzat.
Unai Brea: Berango, 1974. Batez ere zientziaz eta telebistaz idatziko dut, baita beste edozertaz ere egia esan, futbola eta erlijioa alde batera utzita. Gainerako kontuez jarduteko hemen edukiko nauzue, lesioek errespetatzen banaute eta Jainkoaren laguntzaz.
