Mozkorra nago edo...

Iñigo Rubertek, alias @mendiolatik, goiko mezu honekin piztu zuen sua. Zenbait pantailazo ere erakutsi zituen erabiltzaileak, sare sozial hau euskaratzeko kanpainari atxikimendua erakutsi dioten zenbait erabitzaileren emoziorako, eta bestelako sakelakoak ditugunon inbidiarako.

Twitter euskaraz Blacberryetan

Twitterrekin mundu guztiarekin egongo zara harremanetan...

Twitterren erantzun ofizial baten esperoan geratu ginen gauean, baina ez da halakorik iritsi. Hala ere, gaur goizean Katalunyako kanpainaren bultzatzaile nagusi den Albert Cuestak azaldu digunez, ez da Twitter enpresak hartutako erabakia izan, RIMena baizik. RIM Blackberry telefonoak egiten dituen enpresa da.

Jarraitu egin beharko da kapainan, nolabait Internetekin lotutako enpresarik handienetakoa den hau ere anima dadin bere zerbitzuak euskaraz ematen. Halere, bide berri bat ireki dela ere uler liteke. Twitterrek berak baino, aplikazioak egiten dituztenek euskaratzen badute zerbitzua, funtzioa bera litzateke. Eta hau gertatuko balitz, azkenean seguru Twitterrek ere itzuli beharko duela, nahi edo ez nahi, bere zerbitzuak euskarara.

Bitartean, eta askotan akatsak ematen baditu ere, atxikimenduak jasotzen jarraitzen du #twittereuskaraz kanpainak. Laster 2.000ra iritsiko gara, eta hori hauteskundeetan ezin izan genuela sinadurarik bildu!

Eta batenbatek esan dezake: Aze pelmada darabilten hauek Twitter euskaratzeko kontuarekin! Horrenbesterako al da ba? Hemen itsatsiko dut, lehen kanpaina hasi genuenean ekarri genuen Vicent Partalen aipu bat, nik uste, nahiko ongi laburbiltzen dituena kanpainaren asmoak.

Behin zure hizkuntza proiektu sendo batean sartuz gero, hurrena datorrenak, aurrekoa zein hizkuntzatara itzuli duten begiratuko du, eta naturaltasun osoz sartuko du zurea. Horregatik, kontua oso sinplea da: Edo zerrendan zaude, edo ez zaude. Horregatik, ahal den ahalegin guztia egin behar da bertan egoteko.

Horri gehituko nioke, sare sozial honetan gabiltzan euskaldun guztiok batzen gaituen aldarrikapena bihurtu dela hau, eta honelako gauzak direla elkarren artean konfiantza sortu eta komunitatea egiten dutenak. Eta azken finean, komunitate batek gauza asko egin ditzake, norbanako askok beren kasa egin ezin ditzaketenak.

Biztanleria oso baten gaineko masa kontrola ez da errealitate hutsa, 25 herrialdetan garatzen ari den industria sekretua baizik.

Ba al dakizu nor dagoen zuri begira?

Honela hasten du Julian Assangek bere azken erasoa Wikileaks webgunean. Atzo espioitza teknologikoari buruzko filtrazioen lehen parte bat kaleratu zuten, eta bertan, jende askoren susmoei dokumentu eta datuak jarri dizkiote.

Nahiko begibistakoa da sakelako telefono inteligente hauek une honetan bertan non zauden mapa batean erakusteko gai badira, bazela urte batzuk zu non zinen jakiteko teknologia garatua zela, nahiz eta zuri zure mugikorrak ez bistaratu halakorik. Eta hori, hasiera besterik ez litzateke.

Halere, publikatu dituzten filtrazioek agerian uzten dutena iPhone, Blackberry eta Androidek bidal ditzaketen koordenadetatik askoz harago doala kontua. Webgunean azaldu dutenez, hau lehen partea da, eta beste argitalpen batzuk egingo dituzte gai ilun honen gainean argi gehixeago botatzeko. Filtrazio hauetan atera diren bi datu komentatuko ditut, axaletik:

- Zure mugikorra itzalita egon arren, non zauden seinaleak bidaltzen ditu. Zenbait enpresak mugikor horrek entzuten

Zure sakelakoa informazio iturri handia da.

duen edozer soinu deszifratu eta horren atzean zein pertsona dagoen identifikatzeko teknologia garatu dute, hala nola, SS8 enpresak AEBetan, Hacking Team-ek Italian eta Vupen izeneko batek Frantzian.

- 2011ko urtarrilean, AEBetako Segurtasun Nazionaleko Agentziak Utah-ko desertuan 1,5 bilioi dolarreko kostua izango duen eraikinaren lanak hasi ditu, etxe barneko eta nazioarteko milioika eta milioika terabyte informazio gordetzeko betirako.

Azken hamar urteetan, masa era indiskriminatu batean kontrolatzea arau bilakatu da. VASTech bezalako inteligentzia konpainiek era etengabe batean eta nazio oso bateko telefono mugikorrak grabatzeko teknologia saltzen dute. Beste batzuek telefono mugikor horien kokapena grabatzen dute, 50 metroko erradiora hurbiltzeko gaitasunarekin. Beste sistema batzuk herrialde oso bateko Facebookeko erabiltzaileak edo smartphonen jabeak infektatzen dituzte, herritarrak inteligentziaren merkatu bilakatuz.

Wikileaksek azaltzen duenez, 2001eko Dorre Bikien erasoaz geroztik biderkatu egin da antzeko teknologian inbertitzen den dirutza, eta egun, urtero “bilioika dolar” xahutzen da honetan.

Datuok gainetik begiratu hutsarekin, argi geratzen da gehienbat oposizio politikoa kontrolatu eta jarraitzeko erabiltzen den teknologia dela hau. AEB, Txina, Iran, India, Libano, Arabia Saudi, eta abarrean disidenteak jarraitzeko erabiltzen omen dute. Mapa bat ere kaleratu dute ondorengo praktikak non egiten diren zehaztuz: Interneten irakurketa, sakelako telefonoen kontrola, birus trojano bidez ordenagailuaren kontrola, audio analisia, sms-en irakurketa eta GPS bidezko kontrola. Aipatu mapan ikus daitekeenez, Frantziako estatuak praktika guztiak erabiltzen ditu. Halere, hori bezain harrigarria egin zait, Espainiako estatuan halako praktika guztietatik soilik audio analisia egiten dutela dioela mapa honek, hau da, adibideekin argitzearren, ez dutela telefonorik kontrolatzen, edo bestela, SMSrik irakurtzen. Nik pertsonalki ez dut halakorik sinesten, beste argitalpenen batean edo aterako dutela sinestu nahi dut.

Eta pentsatzen jarrita, zein da Frantziako eta Espainiako disidentzia, gobernu ezberdinetako kideek kontrolpean izan nahi luketena, elkarri halako teknikak erabiltzen arazorik gabe utziko lioketena, zein jende dago susmagarrien zerrendaren goi postuetan? Bingo. Espainian behintzat gu. Eta Frantzian ere, tentuz ibili. Gu behintzat bai, ziurrenik jende gehiago ere bai.

Kamera bat duzu etengabe sudurren aurrean zure aurpegia erakutsiz

Eguneroko bizitzan eragiten digun beste kontu batera etorriz, duela bost urte ingurutik, merkaturatu diren ia ordenagailu eramangarri guztiek pantailaren gainean webcam bat daukate, nahiz eta orokorrean honen erabilera oso oso murritza izan. Orain hilabete batzuk izan dira zenbait eskandalu “hacker batzuek” jendeari kamera hauetatik irudiak lapurtu izan dizkietelako. Ez da informazio osorik heltzen, baina printzak behintzat badira. Wikileakseko txibatazo hauek diotenez,  webcametik zuzeneko irudiak eskuratzeko teknologia garatua dago, erabiltzailearen baimenik gabe harekin konektatzeko. Hackerrak hau egiteko gai badira, nola ez dira ba izango edozein aitzakia antiterroristaren aterkipean lanean ari diren poliziak? Eta noski, ez da kameraren ondoko argi gorritxoa pizten.

Alegia, zeharo kontrolatuta gaudela esatea, ez da inongo astakeria, ezta berria ere.

Eta zer egin dezakegu halako egoera baten aurrean? Teknologiari uko egin? Zaila iruditzen zait, ezinezkoa ez esatearren. Teknikoki gauza oso konplikatua da, baina zentzu komuna erabiliz, erraztasunik behintzat ez genieke eman beharko.

Duela urtebete inguru entzun nion lagun bati berak paper puska bat jartzen zuela beti bere pantailako webcamaren gainean, inork ez zezan zelatatu. Harrituta utzi ninduen, ez bainintzen sekula hartan pentsatzen jarri. Baina egia esan, neurri txiki eta eraginkor bat besterik ez da, autoan zoazenean segurtasun uhala jartzea bezala. Ideia ona iruditzen zait, eta orduzkero, nik ere Post-it baten eremu itsaskorra moztu eta horixe bera dut webcamaren gainean jarrita, paper pusketa hori bat. Nahi badute, jakingo dute non nagoen eta zer webgunetan nabilen saltxan, baina nire aurpegiaren lehen planoa ez dute edukiko.

Itxiozu begia webcam horri.

Eta ez, nik ere, zuk bezala, ez dut ezer txarrik egiten ordenagailutik eta ez dut inongo atentatu terroristaren planorik nire ordenagailuan. Alde horretatik oso lasai nago. Baina hala ere, jar zaitez pentsatzen, hau irakurtzen ari zaren unean bertan norbait zuri begira egotea, ez al zaizu larria iruditzen?

Eguneraketa (18:30). Lagun batek Twitter bidez lotura hau bidali dit. Bertan azaltzen da nola Android, iPhone eta Blackberryek ken ezin dezakezun aplikazio bat duten zure ekintza guztiak jarraitzen.

Mundu osoan ezagun egin diren irudiak grabatu zituztenak elkarrizketatu dituzte Tunisia eta Egipton. Gehienbat ikasle eta ekintzaile politikoek une egokian leku egokian eskuan sakelako telefonoa edukitzeak zer tentsio, beldur eta zoriona eragin zien azpimarratzen dute.

Teknologia berriek herritarren kontzientziak astintzeko duten potentzialtasuna ere jorratzen du dokumentalak. Irudiak armak bezalakoak dira, erregimen bat bota dezakete, dio adibidez elkarrizketatuetako batek.

Lana arabieraz dago, baina ingelesezko azpidatziak jarrita dauzka. Ingelesa edo arabiera ulertzen dutenentzat lan txukun eta gomendagarria. Eta bide batez, Albisteak 2.0 saioko lagunek hasitako ekimenarekin bat egiten dugu eta guk ere Al Jazeera euskaraz eskatzen dugu, antzeko programa interesgarriak ikusteko.

PD: Beranduegiren 34. saiorako, post hau bideorako prestatu dugu. Hemen ikus dezakezu beraz, irakurri berri duzunaren bideo bertsio laburra, bi minutukoa.

Click here to view the embedded video.

Gaur egun, ia edozein bataila, sarean ere jokatzen da: iritzi publikoaren bataila da hau. Labur esateko, jendea zure alde jarri behar da, eta zure “etsaiaren” aurka. Lan honek baieztatzen du sarean bideo on batek kaleko mila hitzek baino gehiago balio duela.

Kukutzakoak onak dira honetan. Lipduba egiten erdiz-erdi asmatu zuten. Beren proiektu nagusia bikain erakutsi zioten munduari bideo koloretsu horrekin, eta emaitza 150.000 baino gehiagotan bistarazi da. Jende askok (Euskal Herrian eta nazioartean) lehen aldiz ikusi du Kukutza bideo horri esker, eta gainera, behin eraikina botata, proiektuaren espiritua ongi biltzen duen lana geratu da sarean, edonork ikus dezan zer zen Kukutza.

Click here to view the embedded video.

Errekaldeko gazteak inspirazio iturri ezinhobeak dira proiektu bati zabalkundea nola eman asmatu ezin dabilen edonorentzat.

Eguneraketa 14:30. Euskarazko azpitituluak jarri dizkiogu lehenengo bideoari. Norbaitek ingelesezkoak jarri nahi badizkio, Overstream.net webgunea erabili, oso erabilterraza da eta mezua zabaltzen lagunduko du.

Eguneraketa 18:00. Ingelesezko azpitituluak jarri dizkiogu lehenengo bideoari Txerren erabiltzaileari eskerrak!

Nire ekarpentxoak egin izan ditut, gehienbat euskarazko bertsioan, baina baita gaztelaniazkoan eta ingelesezkoan ere, gehienbat Euskal Herriari buruz. Hala ere, nazkatuta nago azken bi hizkuntza handi hauetako zenbait administratzailek duten jarrera prepotentearekin, eta ea jendeak antzeko arazoak izan dituen, eta zer egin duten jakin nahi nuke.

Click here to view the embedded video.

Hauxe dio bideoak, laburbilduta:

Sakatu editatu botoia, gehitu edo aldatu zeozer eta sakatu gorde. Mundu osoari egin diozu ekarpena.

Polita da diotena, baina gauzak ez dira pintatzen dituzten bezala, ez behintzat hizkuntza handietako bertsioetan. Normala iruditzen zait kontrol bat eraman beharra, baina egiten diren aldaketa guztiak gainbegiratu behar badituzte horretarako izendatuta dauden begiraleek, irudipena daukat askotan bi aldiz pentsatu gabe jokatzen dutela. Hala, behin baino gehiagotan gertatu izan zait zerbait idazten denbora bat hartzea eta zaindari hauetako batek, ondoren ikusteko, ti-ta osorik ezabatu dutela.

Gaztelaniazkoetan desadostasun ideologikoak tarteko, eta ingelesezkoetan “hizkuntza pobrea”-ren argudio errazaren aitzakian, zenbaitetan egindakoa ezabatu izan didate.

Adibide bat jartzearren, Punk-rock ingelesezko artikulua hartuko dut. AEBetako punka, Erresuma Batukoa, Australiakoa (Australiakoa?!) eta abar nabarmentzen dituzte gainontzeko guztietatik… eta ondoren, Rest of the World zakuan Euskal Rock Erradikalari buruzko aipamena zuen parrafo bat ez zuten onartu “neurriz kanpokoa eta hizkuntza pobrea” argudiatuz. Onar dezaket beren irizpideetarako luze jotzea, baina nire haserrerako, ez zuten laburtu, hiru ordura ezabatu baizik. Gainera, euskarazko medioak iturri gisa erabili izana behin baino gehiagotan mespretxatu izan dute erabiltzaile anglofonoek, bakar-bakarrik eurek ulertzen ez dutelako.

"Neurriz kanpokoa, hizkuntza pobrea eta erreferentzia gutxi" arrazoitzen du zaindariak egindakoa zeharo ezabatzeko.

Uste dut ez naizela Wikipediako moderatzaileekin haserren dagoen bakarra, bestela, irakurri hau: Wikipedia Española, Asi no gracias. Baina hala ere Wikipedia arma garrantzitsuegia da horrelako haserreengatik albo batera uzteko, eta ezabaketei buruz ateratako ondorio batzuk komentatu nahi nituzke, eta jendea artikulugintzara animatu, milioika erabiltzailek jotzen baitute Wikipediara informazio bila, eta bertan gure ikuskera islatuta uztea historia “ofiziala” idazteko modu bat da.

Lehenagotik sortuta ez dagoen artikulu bat sortzen baduzu gazteleraz, ziurrenik kutsu ideologikoa duten zenbait zuzenketa egingo dizkizute (pertsona baten artikulua bada eta hau euskalduna bada, espainiarra edo frantziarra dela jarriko dute berehala adibidez, batzuetan banderatxoa barne), baina artikulua mantendu egingo dute ongi idatzia badago. Hala ere, sortuta dagoen artikulu batean esaldi berriren bat gehitu eta gordetzen baduzu (eta idatzi duzunak euskalduntasun kutsua badu), ziurrenik ez dizute mantenduko. Horrez gain, behin eta berriz jende ezberdinari bidaltzen dioten mezu bera bidaliko dizute esanez uzteko aldaketak horrela egiteari, edo bestela bandalismoa egotziko dizutela, Wikipedian aldaketak egitea eragotziz.

Ondorioa:

Euskarazko Wikipedian askoz gusturago ibil daiteke euskal erabiltzailea. Noski, artikuluen kopurua baxuagoa da eta beste hizkuntzetan dauden zenbait gauza ez dira egongo, baina esango nuke administratzaileen jarrera askoz sanoagoa eta osasuntsuagoa dela. Badakite hizkuntza txikia dela gurea eta garrantzitsua dela gogoz parte hartzen duen erabiltzailea ez uxatzea. Horrez gain, zure denbora artikulu bat osatzen pasa ondoren, beste erabiltzaile batzuk hori oraindik gehiago osatzen joan direla ikusteak satisfakzio handia ematen du.

Hizkuntza txiki bateko kide izatearen beste abantaila bat.

PD: Ingelesezko Punk-Rock-aren orrian (artikulu nabarmendua da gainera), Euskal Herriari buruzko parrafoa ezabatu zuten, baina eskuineko zutabean, Regional Scenes-en Euskal Herria ezabatzea ahaztu zitzaien… Garaipen txiki bat!

PD2: Gaztelerazko Wikipedia, sinesgarritasun gutxien duena omen da ikerketa baten arabera.

Suminaren arrazoia: enpresa amerikarrak bere blogean jakinarazi zuen bere zerbitzuak beste bost hizkuntzatan prest direla: Txinera sinplean, txinera tradizionalean, hindieran, filipineran eta malayeran.

Twitter itzultzeko plataforma

Kataluniarrek orain ia bi urte sare sozial hau beren hizkuntzara itzuli nahi zutela eskatuz kanpaina abiatu zuten, eta urtebete pasatxoan 3.000tik gora atxikimendu lortuta –mezu bakoitza enpresako zuzendariari iritsi zitzaion–, Twitter katalanera itzuliko zutela hitz eman zuen Dick Costolo zuzendari komertzialak. Kontua horretan geratu zen, ordea, eta kataluniarrak zazpi hilabetez zai izan dira, hurrengo trenean igotzeko esperantzan.

Asiako bost hizkuntza berriak aurkezteaz gain, hurrengo itzulpenak zein izango diren adierazi zuen enpresak, eta bertan ez da katalanaren arrastorik: suediera, norvegiera, daniera, finlandiera, poloniera eta hungariera dira hautatuak.

Hau zen atzo gaueko titularra Vilaweben: Twitter anuncia traduccions a més llengües però continua ignorant el català.

Katalanei baietz

Kanpainarekin jarraitzea erabaki dute kataluniarrek beraz, eta larunbaterako –hau da, bihar–, #twitterencatala etiketa masiboki erabiltzeko deia egin dute, 20:00tatik aurrera batez ere. Horrez gain, ia alde batera utzia zuten atxikimendu kanpaina sinadura berri asko jasotzen ari da.

Ikusi egin beharko da ea Twitterrek azkenean katalanak asetzen dituen. Hala balitz, atea guretzat ere nabarmen zabalduko litzateke. Euskarazko itzulpena eskatzeko kanpainak 1.800 atxikimendu lortu ditu azken zazpi hilabetetan (100.000 jarraitzailetik gora dituzten Xabi Alonsorena eta Patxi Lopezena barne). Umap webguneak erakusten duenez, 3.600 erabiltzailetik gora gara euskaraz gabiltzanak sare sozial honetan, eta beraz, geure langa ere zenbaki duin hau litzateke, katalanek baietza jasotzeko behar izan zutena baino altuagoa.

Horrez gain, euskaraz gabiltzan twitterlariak egunez egun gehiago gara, eta askok kontua kanpaina hasi ostean sortu dutenez, baliteke honen berri ez izatea. Gonbidapena luzatuta gera dadila azken hauentzat, eta informazio gehiago nahi duenak hona jo dezake.

Albert Cuesta (Arg: Vilaweb)

Lehengo astean, Twitter enpresako zuzendari orokorrak Albert Cuesta kazetari eta ekintzaile katalanari beren zerbitzua laster katalanera itzuliko zutela iragarri zion. Katalanen garaipen handia izan da oraindik zazpi hizkuntzatan besterik ez dagoen mundu mailako zerbitzu bat beren hizkuntzan jartzea lortzea.

Katalanen kanpaina bi zutabetan oinarritu da:

1- Kanpaina zuzena izan da. Twitter bidezko kanpainak egiteko plataforman oinarritu dute eskaera. Mezuan Twitterreko idazkari orokorraren helbidea jarri zutenez, honek etxean jaso ditu milaka eskaera.

2- Kanpaina masiboa egin dute. 3.000 pertsona baino gehiagok, mezu hori berbidaltzeaz gain, webgunean bete dute Twitter itzultzeko eskaera.

Twitter euskaraz

ZER EGIN BEHAR DUGU?

Twitter denbora luzez ingelesez bakarrik izan da. Orain urtebete inguru beste hizkuntza batzuetara ere itzuliko zutela zabaldu zutenean, ahotsa pixka bat altxa genuen eta euskara ere noizbait itzultzeko hizkuntzen zerrendan sartu zuten. Baina ordutik denok elkarri begira gaude, eta esan bezala, eskerrak katalanak ez dauden geldi. Katalanek egin zuten kanpaina bera bultza behar dugu, baina euskarara ekarrita. Sinatu eta zabal dezagun. Izan ere, Vicent Partal Vilaweb guneko zuzendariak esandako hitz batzuk datorzkit burura:

Behin zure hizkuntza proiektu sendo batean sartuz gero, hurrena datorrenak, aurrekoa zein hizkuntzatara itzuli duten begiratuko du, eta naturaltasun osoz sartuko du zurea. Horregatik, kontua oso sinplea da: Edo zerrendan zaude, edo ez zaude. Horregatik, ahal den ahalegin guztia egin behar da bertan egoteko.

Euskara Wikipedia, WordPress eta Google bezalako proiektuetan sartzea lortu dugu. Gurea hizkuntza modernoa dela erakutsi dugu, eta gainera, ez gara gutxi. Umap webguneak euskaraz noizbait zerbait bidali duten 1658 twitterlari daudela kontatu ditu.

Guk ere zerrendan egon nahi dugu, ezta? Badakizu orduan zer egin.

PD: Webguneetan ibiltzen zaretenok, ondorengo kodea ere jar dezakezue nahi duzuen lekuan:

<script src=”http://act.ly/widget/firebox/35s?recruiter=larbelaitz” type=”text/javascript”></script>

El juez les acusa (…) de llevar a la práctica un “proyecto orgánico” (…) mediante la actividad de la página web apurtu.org y de Kronika Nafarroa. Ambas iniciativas, junto a los canales de Youtube Harremanak y Apurtu Telebista tendrían como finalidad “la creación de una estructura de propaganda en Internet”.

Youtubeko bi kanal ez ditu epaile batek egunero aipatzen, eta horregatik, zeozer potoloa behar zuen bertan! Propaganda!

Hauxe topa daiteke bertako bideoen artean: Sakabanaketaren aurkako bideo batzuk, manifestazioen bideo-kronikak, salaketak, prentsaurrekoak, desobedientzia ekintzak… Bideorik ikusiena bietako batean, Ken Zazpiren Zapalduen Olerkia abestiarekin egindako muntaia da, gazteleraz norbaitek intentzio osoz azpititulatua. Aipatu ditudan guztiak, azken finean, EFE, El Mundo, El País eta Marcaren itzaletik youtuben ihes egiten duten mezuak dira.

Horregatik eman nahi izan diote kolpea webguneari (eta kolpeak Mikel Llamasi), bideo batzuk egunkarietako ehunka artikuluk baino eragin handiagoa izan dezaketelako jendearengan, gazteengan batez ere. Abesti baten hitzek, onak badira, zer esanik ez.

Click here to view the embedded video.

Hortik, galdera: Eta zer egin lezakete Madril eta Paristik euskaldunok, adibidez, gustatzen zaizkigun gure kantuak sarera igo eta itzulita eskainiko bagenitu, mundu osoak gure hitzak, guk idatzi nahi izan ditugun gisan irakurtzeko moduan jarriko bagenitu? Ezer gutxi.

Dotsub.com webgunea ezaguna izango duzue blog honen irakurle batzuek, beste batzuek ez. Bertara bideoak igotzeaz gain, edozein bideo edozein hizkuntzatara itzultzeko aukera eskaintzen da oso modu errazean. Erantzun gisa, bi bideo igo eta itzuli ditut bertan, norbaitek kanpoko lagunen bati bidali nahi izanez gero, hor edukitzeko.

Batetik, Ken Zazpiren Zapalduen olerkia, gustatzen zaidalako eta hau zelako apurtu.org webgunean itzuli eta horrenbesteko arrakasta izan zuena. Bide batez salatu, arduraduna atxilo dutela oraindik.

Bestetik, Ruper Ordorikaren Zaindu maite duzun hori, asko gustatzeaz gain, nire ustez oso era berezian islatzen duelako euskaldunon egunerokotasunak askotan sor dezakeen neke edo karga hori.
Inor animatzen bada bideo hauek beste hizkuntza batzuetara itzultzen, utz dezala iruzkina mesedez! Oso erraza da, webgunean erregistratu eta bideoen ondoan dagoen translate sakatzea besterik ez da, eta lerroz lerro momentuan joan itzultzen.

Click here to view the embedded video.

Oraindik bertan ez den bideoren bat hona igo nahi izanez gero, berriz, KeepVid.com webgunea gomendatzen dut, bideoa dagoeneko sarean badago eta ez badakizu nola jaitsi. Youtuben badago adibidez, hautatu gustuko duzun bideoa, lotura kopiatu, hor itsatsi eta gero kalitate ezberdinen aukeran, eskuin botoiarekin ‘Gorde lotura honela’ sakatuta gorde. Gero DotSubera igo. Musikazblai.com webgunean kantuen hitz askoz gain, kantuen itzulpen ugari daude, eta horko lana aprobetxa lezake nahi duenak bideoa hornitzeko.

Denborak uzten badit, pixkanaka beste kantu batzuk igotzen ere joango naiz.

Kantu batek bihotz bat baino gehiago ireki dezakelako, nahiz eta itzulita egon.

Eta teknologia berriek, berriz, urteetan kanpora itxita izan ditugun ateak ireki.

PD: Espero dut Ken Zazpikoei eta Ruper Ordorikari ez diola axolako bere bideoak itzuli eta horra igotzea. Kontrakoa balitz, abisatu lasai!

PD2: Pixkanaka bideo batzuk itzultzen noa, eta kanal honetan topa ditzakezue nahi izanez gero.

Facebook

Xabier Lete 1991ko kantaldi batean (Arg: Badok.info Joxek aterea)

Heriotzaren albistea jakin bezain pronto sortu zuen norbaitek abeslariaren zaletuak bilduko dituen orria. Bestalde, erabiltzaileen profiletan Leteri errererentzia egiten dioten mezuak zabaldu dira.

Twitter

Egun osoan zehar animo mezuak idatzi zituzten euskal twitariek, eta heriotzaren berri jakin zenean, mezua minutu gutxitan errebotatu zuten erabiltzaileek. Ondoren bere kantuen letrak ta dolumin mezuak gailendu ziren. Gaur goizean ere, mezu askotan egiten zaio erreferentzia abeslari eta poeta oiartzuarrari.

Spotify

Bilduma osoa ez badago ere, bere hamaika disko entzun daitezke streaming bidez Spotify-ko erabiltzaile izanez gero.

Xabier Lete (Arg: Badok.info, argazkilaria zehaztu gabe)

Bere obra

Literaturarn Zubitegian bere lanen erreferentziak topa daitezke.

Bere kantuen letrak bilduta daude Musikazblai.com webgunean, zenbait itzulita. Bertan abestirik komentatuena Xalbadorren heriotzean da.

Zeruko Argian eta Argian ibili zen Lete urte askoan, artikuluak idazten. Dena den, askotan izenordeekin sinatzen zuten eta hauek ez daude aipatu zerrendan.

Biografia

Badok.info webgunean bere obrari buruzko informazio landua dago, argazki ugarirekin.

Wikipedian euskaraz ere informazio asko dago, baita katalanez, galegoz eta gazteleraz ere.

Argia.com

2008an Iruñeko planetarioan egin zuen poesia errezitaldiko puska bat bideoan.

Youtube

Bido plataforma hontan ber kantu ugari daude noiz edo noiz erabiltzaileren batek zintzilikatuak.

Ni Naiz

Click here to view the embedded video.

Xalbadorren heriotzean

Click here to view the embedded video.

Izarren hautsa

Click here to view the embedded video.

Sehaska kanta

Click here to view the embedded video.

Nafarroa arragoa

Click here to view the embedded video.

Habanera

Click here to view the embedded video.

Kontrapas

Click here to view the embedded video.

Errota zaharra Lourdes Iriondorekin

Click here to view the embedded video.

Eta azkenik, bitxikeria gisa, Segurako herritarrek Gizon arruntaren koplak kantuarekin egindako LipDuba

Click here to view the embedded video.

Dena biltzea ezinezkoa da eta ziur erreferentzia batzuk kanpoan geratu zaizkidala. Loturaren bat benetan faltan ikusten baduzu, lasai utzi iruzkinetan eta gehituko diot zerrendari.

Click here to view the embedded video.