Ikastoletatik nazionalismoa ezabatzeko plan sotil bat

Dotrina nazionalistaren kontrako gurutzada suharrean dabil Eusko Jaurlaritza fronte guztietan: turismoa bultzatzeko “I need Spain” anglo-mantxegoa proposatu dute gaur bertan; kirolean, Espainiako futbol selekzioak Araban, Gipuzkoan edo Bizkaian joka dezan ahaleginak egiten ari da Lopezen administrazioa; telebistaz ez dugu hitz egin beharrik… Aspaldiko; eta hezkuntzan ere ari dira zer edo zertan. Ikerlari talde batek aurkitu du formula, euskal abertzaletasun etniko, atzerakoi eta kuasi-nazia modu sotilean bazterreratzeko.

Plana sekretua denez, aurreneko gauza, inportanteena, jendea ez konturatzea da. Beraz, jokoz-kanpo harrapatu behar ditu ikastoletako gurasoak, batez ere abertzaleak, horiek beti baitabiltza bazterrak nahasten. Eta zer hoberik kurtso bukaeran ikastoletan egiten diren festak baino, mahai azpitik, isil-misilka, des-dotrinamenduarekin hasteko? Datorren urteko kurtso amaieran jarriko dute martxan egitasmoa, baina guk esklusiban eskainiko dizuegu gune kontrolatu batean egin duten proba-pilotua. Beheko bideoan duzue.