Dotrina nazionalistaren kontrako gurutzada suharrean dabil Eusko Jaurlaritza fronte guztietan: turismoa bultzatzeko “I need Spain” anglo-mantxegoa proposatu dute gaur bertan; kirolean, Espainiako futbol selekzioak Araban, Gipuzkoan edo Bizkaian joka dezan ahaleginak egiten ari da Lopezen administrazioa; telebistaz ez dugu hitz egin beharrik… Aspaldiko; eta hezkuntzan ere ari dira zer edo zertan. Ikerlari talde batek aurkitu du formula, euskal abertzaletasun etniko, atzerakoi eta kuasi-nazia modu sotilean bazterreratzeko. Gehiago irakurri…
Joan den igandeko El País Semanalekoa da elkarrizketa: Juan José Millás jarri zuten PRISAkoek Alfredo Pérez Rubalcabaren gona-txakur, Espainiako Barne Ministroaren alde “intimoa” erakutsi guran. Rubalcabaren erantzunetako bat leituta atera zaizkit begiak errailetatik: PSOEra nola iritsi zen galdetzen diote; nolatan, aita alkandora urdinen bandokoa izanda. Ministroak dio eragin handia izan zuela Enrique Ruanoren hilketak, eskola berekoak zirelako. Baina ondoren datorren azalpena da jenialena. Gehiago irakurri…
Slavoj Zizek elkarrizketatzekoak ginen gaur Iñigo Astiz eta biok Iruñeko Baluarten. Nik ARGIArako. Iñigok Berriarako. Nire hitzordua goizeko hamarretan; Iñigorena, arratsaldeko seietan. Baina Arquitectura mas por menos kongresuko antolakuntzak atzeratu egin dit elkarrizketa ordua, eta Iñigorekin bazkaltzen, zalantzan geunden filosofo esloveniarrarekin hitz egitea posible izango ote genuen. Ez ote ziren luzamendu gehiegi. Eta azken finean, euskal prentsa, kongresu honen antolatzaileentzat, ez dela existitzen. Bagindoazen Baluarterantz Sarasate pasealekutik, eguna alferrik galdu izanaren sentsazioarekin, eta nor ikusiko oinez izozki bat jaten? Bai, Zizek. Gehiago irakurri…
Rafah-ko pasabidea (arg.: Wikipedia)
Goizean leitu dut Jesus Torquemadak EiTB.com-en Gazako blokeoaz egin duen analisia. Ez nago oso ados analistaren esaldiren batekin [1], baina bete-betean jo duela iruditzen zait Rafah-ko pasabidea afera honetako puntu berotzat jotzean. Torquemadak dio, Israelek Gaza blokeatuta eduki arren, pasabide hori zabaltzea Egiptoren esku dagoela. Beraz, zergatik izan du Egiptok pasabidea zarratuta? Gehiago irakurri…
Edo komeni. Azken 65 urteetan britainiarren patua gidatu duen pertsonen zerrenda begiratzea besterik ez dago. Bi baino ez dira salbatzen: Winston Churchill eta John Mayor, biak ere karrera akademikoa bukatu gabeak. Gainontzean, denek daramate Dominus Illuminatio Mea curriculumean zigilatuta. Beheko taulan izen guztiak. Gehiago irakurri…
'Loiolako hegiak' liburuaren azala
Imanol Murua izan genuen atzo herrian, Loiolako Hegiak liburua aurkezten. Amaieran, galdera luzatu zioten Jesús Egigureni buruz. Zehazki, Loiolako negoziazioak ardatz hartuta idazten ari den liburuaz. Muruak azaldu zuenez, konfidentzial batean (honetan, uste dugu) irakurri du Alfredo Pérez Rubalcaba ez dela gozo jarri PSE-EEko burua zer izkiriatzen ari den jakin duenean. Eta horregatik, posiblea dela Egigurenek liburua ez argitaratzea. Gehiago irakurri…
Juan Antonio Samaranch, Francoren beste proselito batzuekin, agur faxista egiten
1974koa duzu ondoko argazkia, uztailaren 18koa (egin klik irudian handiago ikusteko). Patxi zaharrari bi eztul ustel geratzen zitzaizkion, artean. Harro altxatzen du eskuin besoa, gerora Nazioarteko Olinpiar Batzordeko presidente izango zen Juan Antonio Samaranchek. Eta diktadurako beste agintarienekin bat eginda, pinudi faxista beltza duzu begi bistan. Orain, 89 urterekin Geldi Enean ostatu hartu duelarik, prentsak “detaile” txikia ezkutatu nahi du. Samaranch agure kirolzale bihurtu nahi digute. Uztarria eta geziak, uztai olinpikoekin estali. Gehiago irakurri…
Luis Maria Anson
Entzuna nuen Luis Maria Anson Egin ixtearen kontra azaldu zela bere garaian. Kazetari espainol karpetobetonikoa, pareta ukitzeraino eskuinekoa… bitxia egin zitzaidan. Sinesgaitza, egia esateko. Baina hemerotekarako nagi, ez nuen begiratu. Eta ez nuen sinetsi. “Zurrumurruak” pentsatu nuen. “Esamesak”. Ez zela posible. Ezin zitekeela. Horregatik geratu naiz begiak plater, Javier Vizcainoren Twitter kontuari esker Ansonek Egunkaria auziari buruz idatzi duena leituta. Gehiago irakurri…
Kaputxadunen artean sartu zen, haien lagun egin, eta geroztik Greziako kale-istilu guztietan dabil txakur bera. 2008an atera zioten lehen argazkia maskararik gabe, baina duela gutxi argazki sorta bat Interneten zabaldu zen arte, inor ez zen jabetu polizia azaltzen den bakoitzean bera ere urruti gabe ibiltzen dela. Dena dela, ez daitezela larritu protestari greziarrak (baten batek blog hau irakurtzen badu, bederen): txakur hau beraien laguna baita, eta manifestazioetako maskota ofiziala bihurtu dute honezkero. Gehiago irakurri…
Haiti
Halaxe irakurtzen zen atzo El País-en edizio digitalean: “Las mejores imágenes de la catástrofe”. 24 ordu beranduago kendu dute, baina Floren Aoizek harrapatu eta blogean jarri du. Gaur El País pornografia emozional bete-betean ari da, nazioarteko komunitatearen lana goratuz, gorpuei tiritak jartzea zein den ona azpimarratuz. Gehiago irakurri…
