‘Nofollow’ edo Internet irensteko modua(e)ko iruzkinak

eli-pombo(e)k

eli-pombo — Tue, 29 Sep 2009 07:50:26 +0000

Kaixo Luistxo. Nik dakidala, WordPress-ek automatikoki jartzen die nofollow etiketa kanpo loturei. Ez dakidana da hori aldatzeko aukerarik ba al dagoen. Zuek badakizue?

Luistxo(e)k

Luistxo — Sat, 26 Sep 2009 08:04:46 +0000

Komentarioak editoreak berrikusten ditu, baina ematen du sistemak gehitu diola nofollow etiketa Garik emandako estekari. Hala editoreak gehitu dio?

eli-pombo(e)k

eli-pombo — Mon, 07 Sep 2009 08:10:31 +0000

Kaixo Gari. Bai gai korapilatsua benetan, baina oso interesgarria.
Komentarioetako erantzunei buruz, ARGIAn editoreak komentarioak begiratu eta spam direnak ezabatu egiten ditu.
Zerbait aportatzen duten loturak noski, utzi egiten dira.

Gari Araolaza(e)k

Gari Araolaza — Fri, 04 Sep 2009 07:04:22 +0000

Gai interesgarria!

Zehaztapen bat. Lotura horiek jarraitu, jarraitzen dituzte normalean bilatzaileek. Yahook adibidez horrela egiten du, zalantza dut Googleren kasuan.

Desberdintasuna “puntuazioan” dago. Hau da, Googlerentzat lotura batek boto bat esan nahi du, hots, lotutako webgune hori garrantzitsua dela. Nofollow motako loturekin aldiz, boto hori ez da kontutan hartzen.

Bestalde captchak ez dira konponbidea spam mota honentzat. Wikipedian eskuz lan asko egin zitekeen, norberaren intereseko webguneetara loturak eginez. Horregatik dago nofollow jarrita.

Baina arrazoia duzu soluzio eskasa dela esatean, baina ez dakit soluzio hoberik dagoen. Adibidez, nola azaltzen dira zuen komentarioetan jarritako loturak?

Froga bat: Euskal Herriko toki politena

eli-pombo(e)k

eli-pombo — Fri, 28 Aug 2009 14:04:34 +0000

Arrazoi duzu Igor eta agian ez dago guztiz ongi azalduta, baina esan nahi nuena da Wikipediak egiten digun lotura horrek ez digula (indexazioari dagokionez) batere laguntzen. Noski lotura hori beste leku batzuetan topatzen badu indexatuko duela, eta ondorioz, kontuan hartuko duela, baina indexazioaren ikuspegitik gurera kalitatezko lotura bat litzatekeena, ez da praktikan horrela.

Beste leku batzuetan ere gure lotura agertzen bada, ez da ez zulo beltzean geratuko, baina muturrera joanda bai gerta liteke. Wikipediara bideratutako milaka lotura egiten direnez, berau beti lehen postutan agertzen da. Normala da, baina berdintasunean jokatuz gero, gure webgune txikiak Wikipediarekin lehiatu ahal izango lirateke, har gureei “nofollow” ez balieke jarriko, esan nahi dut.

Badakit SEO kontuak oso konplexuak direla. Hau praktika baten muturreko arriskua baino ez da.

e-gor(e)k

e-gor — Fri, 28 Aug 2009 13:33:14 +0000

> “Wikipediak nofollow atributua jartzen dionez nire loturari, bilatzailearentzat nire bloga ez dago”

Eli, diozuna ez da zuzena. Web orri bat “nofollow” link baten agertzeak ez du esan nahi Google-en indizean agertuko ez denik, eta Wikipedian guretzako link bat egoteak ez gaitu “zulo beltz” batera bideratzen.

Arrazoi duzu esatean atributu horrek adierazten diola bilatzaileari ez indexatzera joateko, beraz ez du une horretan indexatzeko orrien ilarara eramango… Baina Interneta arakatzen jarraitzen duenean, beste tokiren baten beste esteka bat agertzean, indexatuko du.