Argia astekaria webgunearen hasiera

Julio Zesar erromatar enperadorearen busto bat aurkitu zuten Arlesen (Frantzia) 2007ko udazkeneko kanpainan, eta berriki aurkeztu dute lehenengoz. Marmolezko obra orain arte topatutako jeneralaren irudirik zaharrena da, adituen esanetan, eta errealismo handiz islatzen ditu Zesarren hazpegiak. Hortaz, historiako pertsonaiarik garrantzitsuenetako batek izan zuen benetako itxuratik inoiz baino gertuago gaude, aurkikuntzari esker.

Pieza hori Rodano ibaiko uren azpian aurkitu dute, Arles hirian. Gune hori urpeko ikerketa egiten duten arkeologoentzat erromatar garaiko arrastoen iturri oparo bihurtu da azken aldian. Esaterako, kanpaina horretan bertan, 1,80 metro inguru neurtzen duen Neptunoren marmolezko estatua ere topatu zuten.