Argia astekaria webgunearen hasiera
- Azken Eguneraketa:
- 2009-01-09 16:02:24
2143.zenbakia
122. zenb.
(ARGIAko 2143. zenbakiarekin batera banatua)
2008-06-29 -- 2143.zenb
Denok nahiko genuke erakargarriak izan. Maitagarriak. Denok nahi dugu maita gaitzaten, eta, ahal bada, guk geuk egiten dugun indar berberarekin. Denok nahi dugu ingurukoek, gauzak diren bezalakoak ikusi ordez, guk nahi dugun bezala ikus ditzaten. Nahiko genukeen bezala ikus gaitzaten. Baina dena denbora kontua da. Ez zara zuk uste zenuen bezain interesgarria; askotan, gainera, ez zara interesgarria ere. Iruzur egiten aritu zarela ohartu dira ingurukoak. Iruzur egin duzula ohartu zara zu zeu. Iruzur handia. Alabaina, kezkatzen zaituzten gauzak ez dira handiak. Gauza txikiak omen dira. Lotsa ematen dizu lankideek zure autoa ikusteak dozena bat urte dituelako. Beldur ematen dizu zinemara bakarrik joateak; nahiago duzu etxean geratu bakarrik, aspertuta eta triste. Ez duzu bikinia jartzeko ausardiarik herriko igerilekuetara joateko. Ez duzu bikinia erosteko adorerik, nahiago duzulako zeure burua ispiluan ez ikusi. Gauza txikiak omen dira guztiak... baina, aldi berean, ikaragarri handiak.
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© ARGIA.com
Lege Oharra
RSS sindikazioa