Argia astekaria webgunearen hasiera
- Azken Eguneraketa:
- 2009-01-09 16:02:24
2142.zenbakia
121. zenb.
(ARGIAko 2139. zenbakiarekin batera banatua)
2008-06-22 -- 2142.zenb
Mari Feli Etxeandia Kukubiltxo antzerki taldeko aktoreak Aizu! aldizkarian: "Badakigu nagusientzako antzezlan bat emanaldi gutxitan amaitzen dela euskaraz eginez gero. Euskal Herrian gutxi bagara, euskaldunak gutxiago eta antzerki zaleak oraindik gutxiago; beraz, ia derrigorrezkoa da erdarazko bertsioa egitea, baina ez Euskal Herriko erdaldunentzat bakarrik. Esfortzu handia egin dugu, eta antzezlana ahalik eta gehien zabaldu nahi dugu, bai Estatu Espainolean, bai Hego Amerikan".
Mikel Markez abeslaria elkarrizketatu dute Berrian: "Benetan kultura bati osasuntsu eusten diotenak artistak dira, eta ez naiz nekatuko hori esaten, nahiz eta ematen duen ez duela inork entzuten (...) Munduko musikari onenak etortzen dira hona. Eta ez bakarrik pop-rockean. Orkestra onenak, operan, folklorean... jazzean zer esanik ez. Europan ez da egongo herrialde bat hainbeste jazz jaialdi eta ekitaldi egiten direna. Kulturan gastatzeko herrialde honek ez du problemarik".
Marie Darrieussecq idazleak Gararen Mugalari gehigarrian: "Fikzioak hobeki azaltzen du errealitatea, denik eta dokumentalik onenak baino (...) Autofikzioaz idatzi nuen tesia 1997an. Irakurle gisa interesatzen zait autofikzioa, ez, ordea, idazle gisa. Idazle gisa, autofikzioaren ondorengoak arduratzen nau: ez nire bizitza erakusteak, besteen bizitza erakusteak baizik".
Okene Abrego Inoren Ero Ni taldeko kideak Gaztezulo aldizkarian: "Bai soinu, bai diseinuaren aldetik, CDak baino dotoreagoak dira biniloak. Ez dut uste biniloak CDari lekua jango dionik, ezta etorkizuna denik ere; baina ahal den bitartean, diskoak biniloan kaleratzen jarraituko dugu.".
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© ARGIA.com
Lege Oharra
RSS sindikazioa