Argia astekaria webgunearen hasiera
- Azken Eguneraketa:
- 2008-11-21 09:36:32
2141.zenbakia
121. zenb.
(ARGIAko 2139. zenbakiarekin batera banatua)
2008-06-15 -- 2141.zenb
Josu Santesteban
Izan zintezkeen txori
edota hegazkin,
lurrerako ez zara
sortua behinepin.
Gasteizeko zeruan,
Bilbon, nahiz Donostin
topa egin dezagun,
ekin, UKAN, ekin.
Lau hanka ta bost zero
ia jaio aintzin.
Koloretsua zara
baina ikustezin.
Birsortuko zarela
egin diezu zin.
Haginekin egizu
txin-txin, UKAN, txin-txin!
Pintxo ere bihurtu
zintuzten kanpañan
zintzurra goxatzeko
aurreko azañan.
Txotxa dantza ezazu
euskotar Dartagnan.
Platera hautsi gabe
ñam-ñam, egin ñam, ñam.
Zara: aterki, plater,
sakeleko lapitz,
kamixeta, axota...
Ta hau zenbat aldiz!
Opariek euskaraz
egin al dute hitz?
Buruko mina daukat,
atxis! UKAN, atxis!
Mikrotik bafleraino
irriparra txuri.
kameraren aurrean
zabiltza urduri.
Lasai, zu zara... foko,
klaketa, irudi!
Salto, egizu, salto,
mugi, UKAN, mugi!
Paretak margotzea
ez al da gutxitxo?
Zimenduei eusten
asko gabiltza, txo!
Aspaldi dakigunez
“pixka bat, es mucho”
lo, lo egin ezazu
goxo, UKAN, goxo.
Doinua: “Sarasua da gure izen printzipala”.
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© ARGIA.com
Lege Oharra
RSS sindikazioa